Yoma Car Share အသုံးပြုနည်း လမ်းညွှန်ချက်

ကိုယ်တိုင်မောင်းနှင်နိုင်သော ကားငှားရမ်းမှုများသည် လူများ၏ သယ်ယူပို့ဆောင်ရေး အလေ့အထများကို ပြောင်းလဲစေခဲ့ပါသည်။ Yoma Car Share သည် ကားများကို ဝယ်ယူစရာမလိုဘဲ လိုအပ်သည့်အချိန်တွင်လိုအပ်သလိုအလွယ်တကူ ငှားရမ်းနိုင်သော ဝန်ဆောင်မှု တစ်ခုဖြစ်ပါသည်။ ဤဆောင်းပါးတွင် Yoma Car Share ကို မည်သို့စတင်အသုံးပြုရမည်ကို အသေးစိတ် ရှင်းပြပေးသွားမည်ဖြစ်ပါသည်။

Yoma Car Share သည် ကားငှားရမ်းခြင်းကို လွယ်ကူစွာပြုလုပ်နိုင်ရုံသာမကဘဲ အဆင်မြင့် နည်းပညာများကို အသုံးပြုထားသည့်အတွက် စိတ်ချစွာ ငှားရမ်းအသုံးပြုနိုင်ပါသည်။ ဤဝန်ဆောင်မှုကို အသုံးပြုခြင်းဖြင့် ကားဝယ်ယူခြင်းမှ ကုန်ကျနိုင်မည့် စရိတ်စကများကို သက်သာစေပြီး၊ လိုအပ်သည့်အချိန်တွင် ကားကို လွယ်ကူစွာ ငှားရမ်းနိုင်မည် ဖြစ်သည်။

ကိုယ်တိုင် မောင်းနှင်နိုင်ခြင်း (Self-Drive): သင်၏ကိုယ်ပိုင်ကားကဲ့သို့ လိုအပ်သည့်အချိန်တွင် မောင်းနှင်နိုင်ပါသည်။

အဆက်အသွယ်မဲ့ (Contactless): ကားများကို သတ်မှတ်နေရာများတွင် ကြိုတင် ထားရှိထားသည့်အတွက် မည်သူ့ကိုမှ ဆက်သွယ်ရန် မလိုဘဲ အလွယ်တကူ ငှားရမ်းနိုင်ပါသည်။ ကားများ ကြိုတင်ထားရှိထားသော သတ်မှတ်နေရာများ ပိုမိုသိရှိရန် ဤလင့်ခ်ကို နှိပ်ပါ။

သော့မလို (Keyless): ကားသော့မလိုဘဲ Bluetooth သို့မဟုတ် WiFi ဖြင့် ကားကိုဖွင့်နိုင်ပါသည် (ဤအကြောင်းကို လမ်းညွှန်ချက်၏ အောက်ပိုင်းတွင်အသေးစိတ်ရှင်းပြထားပါသည်)။ ထို့အပြင် Tap Card ကို အသုံးပြုပြီးလည်း ကားကိုဖွင့်နိုင်ပါသည်။

၁။ လိုအပ်သလို ငှားရမ်းနိုင်ခြင်း– အချိန်တစ်နာရီမှ ရက်ပေါင်းများစွာအထိ ငှားရမ်းနိုင်ပါသည်။

၂။ ကားအမျိုးအစားစုံလင်ခြင်း– Compact ကားများမှ စတင်ကာ SUV နှင့် ၇ ယောက်စီးကားများအထိ ရွေးချယ်နိုင်ပါသည်။

၃။ နေရာစုံတွင် ရရှိနိုင်ခြင်း– မြို့ကြီးများ၏ သတ်မှတ်နေရာများတွင် ကားများကို ငှားရမ်းရရှိနိုင်ပါသည်။

၄။ စရိတ်သက်သာခြင်း– ငှားရမ်းအသုံးပြုသည့်အချိန်အတိုင်းသာ ပေးရပါသည်။

၅။ သဘာဝပတ်ဝန်းကျင်နှင့်သဟဇာတဖြစ်ခြင်း: ကားဝယ်ယူမှုကို လျှော့ချခြင်းဖြင့် ကာဗွန်ထုတ်လွှတ်မှုကို လျှော့ချနိုင်ပါသည်။

Yoma Car Share ဝန်ဆောင်မှုကို အသုံးပြုခြင်းဖြင့် ကားပိုင်ဆိုင်မှုနှင့်ဆက်စပ်သော ကုန်ကျစရိတ်များ (ဥပမာ – အာမခံကြေး၊ ထိန်းသိမ်းမှုစရိတ်) ကို များစွာ လျှော့ချနိုင်မည်ဖြစ်ပါသည်။ ကားပိုင်ဆိုင်သူတစ်ဦးအနေဖြင့် နှစ်ပေါင်းများစွာ ကုန်ကျမည့် ငွေကြေးများကို စုဆောင်းမိပါက စိတ်ဖိစီးမှုများမှ ကင်းလွတ်ရုံသာမကဘဲ စုဆောင်းမိသောငွေကြေားများဖြင့် အားလပ်ရက်ခရီးစဉ်များကဲ့သို့သော အကျိုးရှိသည့် အရာများအတွက် အသုံးပြုနိုင်မည်ဖြစ်ပါသည်။Yoma Car Share သည် ကားပိုင်ဆိုင်ခြင်းနှင့် ဆက်စပ်သည့် ငွေကြေးဝန်ထုပ်ဝန်ပိုးများ မရှိစေဘဲ လွတ်လပ်စွာ ခရီးသွားလာနိုင်ရန် အခွင့်အလမ်းကို ဖန်တီးပေးပါသည်။

Yoma Car Share ကို စတင်အသုံးပြုရန် အောက်ပါအချက်များကို လိုက်နာပါ။

Yoma Car Share ကို ဝဘ်ဆိုက် သို့မဟုတ် မိုဘိုင်းလ်အက်ပ် မှတစ်ဆင့် အသုံးပြုနိုင်ပါသည်။ အောက်ပါ link များမှတစ်ဆင့် ဝင်ရောက်နိုင်ပါသည်။

ဝဘ်ဆိုက် မှတစ်ဆင့် ဆက်လက်လေ့လာလိုပါက ဤလင့်ခ်ကို နှိပ်ပါ။

အဆင့် ၂: အကောင့်ဖွင့်ပါ။

“ Sign Up” သို့မဟုတ် “ Create An Account” ကို နှိပ်ပြီး သင်၏ ကိုယ်ရေးကိုယ်တာ အချက်အလက်များကို ဖြည့်သွင်းပါ (အကောင့်ဖွင့်လှစ်ရန် ပုဂ္ဂလိကအကောင့် သို့မဟုတ် cooperate အကောင့်အမျိုးအစား ရွေးချယ်ပါ)။ သင့်နာမည်၊ အီးမေးလ်လိပ်စာ၊ နှင့် လျှို့ဝှက်နံပါတ်တို့ကို ထည့်သွင်းရပါမည်။

ပိုမိုဖတ်ရှုရန်: Yoma Car Share ကိုလွယ်ကူစွာ ကားငှားယူနိုင်မည့်နည်းလမ်းများ

လုပ်ငန်းခရီးစဉ်များအတွက် ကုမ္ပဏီအကောင့်ဖွင့်ခြင်းဖြင့် ရရှိနိုင်မည့် အကျိုးကျေးဇူးများနှင့် သက်သာခွင့်များကို ဤလင့်ခ်တွင် စုံစုံလင်လင် ဖတ်ရှုနိုင်ပါသည်။

အဆင့် ၃: သင်၏ကိုယ်ရေးအချက်အလက်များကို အတည်ပြုပါ။

Yoma Car Share သည် အသုံးပြုသူများ၏ လုံခြုံရေးအတွက် ယာဥ်မောင်းလိုင်စင်နှင့် ဓာတ်ပုံကို တောင်းခံပါမည်။ ဤအချက်အလက်များကို အတည်ပြုပြီးနောက် သင့်အကောင့်ကို အသုံးပြုနိုင်ပါသည်။

ပိုမိုလေ့လာလိုပါက ဤလင့်ခ်ကို နှိပ်ပါ။

Yoma Car Share မိုဘိုင်းလ်အက်ပ်ကို ဖုန်းတွင် ထည့်သွင်းပြီးပါက အသုံးပြုမှုအဆင်ပြေစေရန်အတွက် အသုံးပြုသူ၏ ဇီဝမှတ်တမ်းအချက်အလက် (လက်ဗွေရာ/မျက်နှာအသိမှတ်ပြုခြင်း) ဖြင့် ဝင်ရောက် အသုံးပြုနိုင်ပါသည်။

အဆင့် ၄: ငွေပေးချေမှုနည်းလမ်းများအား ထည့်ပါ။

Yoma Car Share သည် pay-as-you-go စနစ်ကို အသုံးပြုထားသောကြောင့် သင့်ဘဏ်ကတ်သို့မဟုတ် ငွေပေးချေမှုနည်းလမ်းတစ်ခုကို ထည့်သွင်းရပါမည်။

ကျွန်ုပ်တို့၏ ငွေပေးချေမှုစနစ်များတွင် MPU၊ WavePay နှင့် KBZPay စသည့် ၀န်ဆောင်မှုများ ပါဝင်ပါသည်။ ငွေပေးချေမှုနှင့်ပတ်သက်သော အမေးများသည့်မေးခွန်းများအတွက် ဤလင့်ခ် တွင် ဆက်လက်ဖတ်ရှုနိုင်ပါသည်။

အဆင့် ၅: စည်းမျဉ်းစည်းကမ်းများကို လက်ခံပါ။

အကောင့်ဖွင့်ရန် နောက်ဆုံးအဆင့်အနေဖြင့် Yoma Car Share ၏ စည်းမျဉ်းစည်းကမ်းများကို ဖတ်ရှုပြီး လက်ခံရပါမည်။

အသုံးပြုသူအဖြစ် ရပိုင်ခွင့်များနှင့် တာဝန်ယူမှုများကို နားလည်သဘောပေါက် ေစရန်ဤအချက်အလက်များကို ဂရုတစိုက်လေ့လာဖို့ လိုအပ်ပါသည်။

အကောင့်ဖွင့်ပြီးပါက Yoma Car Share platform ကို စတင်အသုံးပြုရန် အောက်ပါအချက်များကို ကြိုတင် သိရှိထားသင့်ပါသည်။

ကားရှာဖွေခြင်း

“ Find A Car” ကို အသုံးပြုပြီး သင့်တည်နေရာနှင့် နီးစပ်သော Yoma Car Share ကားများကို ရှာဖွေနိုင်ပါသည်။

စျေးနှုန်းများ

ကားအမျိုးအစားအလိုက် စျေးနှုန်းသတ်မှတ်ချက်များ ပါဝင်ပါသည်။ ဤသတ်မှတ်ချက်များတွင် တစ်နာရီ/တစ်ရက်အတွက် အခြေခံကြေး နှင့် ကီလိုမီတာအလိုက် ပေးရမည့်ကြေး (KM fees) တို့ ပါဝင်ပါသည်။ ငှားရမ်းမှုမပြုလုပ်မီ ဤစျေးနှုန်းများကို သေချာစွာစစ်ဆေးရန် လိုအပ်ပါသည်။

ကားငှားရမ်းခြင်း

Yoma Car Share တွင် ချက်ချင်းငှားရမ်းနိုင်သည့်စနစ်နှင့် ကြိုတင်ငှားရမ်းနိုင်သည့်စနစ်များ ရှိပါသည်။

ကားကြိုတင်ငှားရမ်းနည်း အပြည့်အစုံကို ဤလင့်ခ်တွင် ဖတ်ရှုနိုင်ပါသည်။

အသုံးပြုသူ ဒက်ရှ်ဘုတ်

ဒက်ရှ်ဘုတ်တွင် ကြိုတင်ငှားရမ်းမှုများ၊ ငှားရမ်းမှုမှတ်တမ်းနှင့် အကောင့်ဆက်တင်များကဲ့သို့သော အရေးကြီးသောအချက်အလက်များ ကြည့်ရှုနိုင်ပါသည်။

ပထမဆုံးအကြိမ် ကားငှားရမ်းနည်း

ယခု သင်သည် Yoma Car Share ပလက်ဖောင်းနှင့် ရင်းနှီးပြီးဖြစ်သည့်အတွက် ပထမဆုံးအကြိမ် ကားငှားရန် အဆင်ပြေပါပြီ။ ကားငှားရန် အောက်ပါအဆင့်များအတိုင်း လုပ်ဆောင်ပါ။

ကားရွေးချယ်ခြင်း

သင့်လိုအပ်ချက်နှင့် ကိုက်ညီသော ကားတစ်စီးကို ရွေးချယ်ပါ။ ကား၏ အရွယ်အစား၊ လောင်စာသုံးစွဲမှုနှုန်းနှင့် ရရှိနိုင်မှုစသည့် အချက်များကို ထည့်သွင်းစဉ်းစားပါ။

ကားလက်ခံယူမည့်အချိန်နှင့် ပြန်လည်အပ်နှံမည့်အချိန်များ ရွေးချယ်ခြင်း

သင့်အတွက် လိုအပ်သည့် အချိန်ဇယားကို ရွေးချယ်ပါ။ Yoma Car Share သည် သတ်မှတ်ထားသည့်အချိန်ထက် နောက်ကျစွာ ပြန်လည်အပ်နှံပါက တစ်နာရီမှစတင်၍ ဒဏ်ကြေးပေးဆောင်ရန် လိုအပ်သည်ကို သတိပြုပါ။

ကြိုတင်ငှားရမ်းမှု အတည်ပြုခြင်း

သင့်ကြိုတင်ငှားရမ်းမှုအချက်အလက်များကို ပြန်လည်စစ်ဆေးပြီး အတည်ပြုပါ။ သင်သည် လိုအပ်သောအချက်အလက်များပါဝင်သည့် အတည်ပြုချက်အီးမေးလ် (သို့) အသိပေးချက်ကို ရရှိမည်ဖြစ်ပါသည်။

ကျွန်ုပ်တို့၏ ကားများကို ကြိုတင်ငှားရမ်းလိုပါသလား။ ဤနေရာတွင် ဆက်လက်လေ့လာပါ။

ကြိုတင်ငှားရမ်းထားသောကားကို အသုံးပြုနည်း

ကြိုတင်ငှားရမ်းထားသောနေ့တွင် အောက်ပါအဆင့်များအတိုင်း လုပ်ဆောင်ပါ။

ကားတည်နေရာကို ရှာဖွေခြင်း

Yoma Car Share အက်ပ်သို့မဟုတ် ဝက်ဘ်ဆိုက်ကို အသုံးပြု၍ သင့်ယာဉ်၏ တည်နေရာအပြည့်အစုံကို ရှာဖွေပါ။

ကားသော့ဖွင့်ခြင်း

Yoma Car Share ရှိကားများတွင် သော့မလိုဘဲ ဝင်ရောက်နည်းစနစ်ပါရှိသည်။ သင့်ဖုန်း၏ Bluetooth ကို ဖွင့်၍ အက်ပ်မှတဆင့် ယာဉ်ကို ဖွင့်နိုင်ပါသည်။

ကားစစ်ဆေးခြင်း

မောင်းနှင်မည့်အချိန်တွင် ကား၌ ရှိပြီးသားပျက်စီးမှုများရှိမရှိ စစ်ဆေးပါ။ ပြဿနာတစ်စုံတစ်ရာရှိပါက အက်ပ်မှတဆင့် အကြောင်းကြားပါ။

“ Check Car” လုပ်ငန်းစဉ်အကြောင်း ပိုမိုသိရှိလိုပါက ဤနေရာတွင် ကြည့်ရှုနိုင်ပါသည်။

မောင်းနှင်နေစဉ် လိုက်နာရမည့်စည်းမျဉ်းများနှင့် အကြံပြုချက်များ

ကားမောင်းနှင်နေစဉ် လိုက်နာရမည့်စည်းမျဉ်းများနှင့် အကြံပြုချက်များအား အောက်ပါအတိုင်းဖော်ပြထားပါသည်။

ယာဉ်စည်းကမ်းများကို လိုက်နာခြင်း

ယာဉ်စည်းကမ်းများကို အမြဲလိုက်နာပါ။ သင့်အနေဖြင့် ငှားရမ်းစဉ်အတွင်း ဖြစ်ပေါ်လာနိုင်သည့် ဒဏ်ကြေးများအတွက် တာဝန်ရှိပါသည်။

လောင်စာဆီမူဝါဒ

Yoma Car Share ကားများကို လောင်စာဆီအပြည့်ဖြင့် ရရှိမည်ဖြစ်ပြီး ခရီးစဉ်အတွင်း လောင်စာဆီဖြည့်ရန် လောင်စာဆီကတ်/စာအုပ်ကို ကားအရှေ့ ဒက်ရှ်ဘုတ်ထဲတွင် ထားရှိပေးထားပါသည်။ ကိုယ်ပိုင်အသုံးစရိတ်ဖြင့် ဆီဖြည့်ထားပါက ဖြည့်သွင်းစာရွက်နှင့်အတူ ကျသင့်ငွေကို “ လောင်စာဆီပြန်အမ်းငွေ” စနစ် (Fuel Claim) ဖြင့် တောင်းခံနိုင်ပါသည်။

လောင်စာဆီဖြည့်သွင်းနည်းများနှင့်ပတ်သက်သည့် အသေးစိတ်အချက်အလက်များကို ဤလင့်ခ်တွင် ဆက်လက်ဖတ်ရှုနိုင်ပါသည်။

ကားရပ်နားခြင်း

Yoma Car Share ရှိကားများကို သတ်မှတ်ထားသော ကားရပ်နားရာနေရာများတွင်သာ ရပ်နားနိုင်ပါသည်။

ငှားရမ်းမှုပြီးဆုံးချိန်တွင် လုပ်ဆောင်ရမည့်အချက်များ

ငှားရမ်းမှုပြီးဆုံးချိန်တွင် လုပ်ဆောင်ရမည့်အချက်များအား အောက်ပါအတိုင်းဖော်ပြထားပါသည်။

ကားပြန်လည်အပ်နှံခြင်း

Yoma Car Share အတွက် သတ်မှတ်ထားသော ကားရပ်နားရာနေရာများတွင် ရပ်နားပါ။

ကားသော့ခတ်ခြင်း

အက်ပ်ကို အသုံးပြု၍ ကားကို သော့ခတ်ပြီး ငှားရမ်းမှုကို အဆုံးသတ်ပါ။

ငှားရမ်းမှုအဆုံးသတ်ခြင်း

အက်ပ်မှတဆင့် ငှားရမ်းမှုအဆုံးသတ်ကြောင်း အတည်ပြုပါ။ သင့်ခရီးစဉ်အတွင်း မောင်းနှင်ခဲ့သော ကီလိုမီတာအလိုက်ကြေးနှင့် အခြေခံကြေးပါဝင်သည့် စုစုပေါင်းကုန်ကျစရိတ်ပါ ပြေစာတစ်စောင်ကို သင့်အား ပေးပို့ပေးမည်ဖြစ်ပါသည်။

သင့်အကောင့်ကို စီမံခန့်ခွဲနည်း

Yoma Car Share ဝန်ဆောင်မှုကို အကျိုးရှိရှိအသုံးချနိုင်ရန် သင့်အကောင့်ဆက်တင်များကို အောက်ပါအတိုင်း ပုံမှန်စစ်ဆေးမှုများပြုလုပ်ပါ။

ငွေပေးချေမှုနည်းလမ်းများကို အပ်ဒိတ်လုပ်ခြင်း

နောက်ထပ်ငှားရမ်းမှုများအတွက် အခက်အခဲမရှိစေရန် သင့်ငွေပေးချေမှုနည်းလမ်းကို အပ်ဒိတ်တင်ထားပါ။

ငှားရမ်းမှုမှတ်တမ်းများကို ပြန်လည်သုံးသပ်ခြင်း

ငွေကြေးစီမံခန့်ခွဲမှုနှင့် ကိုးကားရန်အတွက် ယခင်ငှားရမ်းမှုများကို အလွယ်တကူ ခြေရာခံနိုင်ပါသည်။

ဦးစားပေးချက်များကို ချိန်ညှိခြင်း

အသိပေးချက်ဆက်တင်များနှင့် အက်ပ်အပြင်အဆင်ကဲ့သို့သော သင့်အကောင့် ဦးစားပေးချက်များကို စိတ်ကြိုက်ပြင်ဆင်နိုင်ပါသည်။

နိဂုံးချုပ်

Yoma Car Share ကို ရွေးချယ်ခြင်းဖြင့် သင့်ခရီးသွားလာရေးအတွက် လိုအပ်ချက်များကို ရိုးရှင်းစွာဖြေရှင်းနိုင်ရုံသာမက ပိုမိုရေရှည်တည်တံ့သော အနာဂတ်တစ်ခုကိုလည်း ဖန်တီးပါဝင်နေပါသည်။ ကားမျှဝေသုံးစွဲခြင်းဖြင့် လမ်းပေါ်ရှိ ယာဉ်အရေအတွက်ကို လျှော့ချကာ လေထုညစ်ညမ်းမှုနှင့် ယာဉ်ကြောပိတ်ဆို့မှုများကို လျှော့ချနိုင်ပါသည်။

Yoma Car Share ဖြင့် ခရီးစတင်ရန် လွယ်ကူပြီး အကျိုးကျေးဇူးများစွာ ရရှိနိုင်ပါသည်။ ဤအဆင့်ဆင့်လမ်းညွှန်ချက်များကို လိုက်နာခြင်းဖြင့် ပလက်ဖောင်းကို အဆင်ပြေစွာ အသုံးပြုနိုင်မည်ဖြစ်ပါသည်။

အချိန်စောင့်မနေတော့ဘဲ ယနေ့ပဲ စာရင်းသွင်းပြီး ပိုမိုကောင်းမွန်ပြီး ရေရှည်တည်တံ့သော ခရီးသွားနည်းလမ်းနှင့် ပထမဆုံးစတင်လိုက်ပါ။

မေးလေ့ရှိသောမေးခွန်းများ

၁။ Yoma Car Share ကို အသုံးပြုရန် အသက်အရွယ်ကန့်သတ်ချက်ရှိပါသလား။

Yoma Car Share အသုံးပြုသူအနေဖြင့် အသက် ၂၁ နှစ်ပြည့်ပြီး သက်တမ်းမကုန်ဆုံးသော ယာဉ်မောင်းလိုင်စင်ရှိရန် လိုအပ်ပါသည်။

၂။ Yoma Car Share ကို ခရီးဝေးအတွက် အသုံးပြုနိုင်ပါသလား။

အသုံးပြုနိုင်ပါသည်၊ သို့သော် မိုင်ကြေးနှင့်ပတ်သက်သည့် မူဝါဒများကို ကြိုတင်လေ့လာပါ။

၃။ ကားပျက်စီးပါက မည်ကဲ့သို့လုပ်ဆောင်ရမည်နည်း။

ချက်ချင်းအကြောင်းကြားပါ။ ပြင်ဆင်မှုစရိတ်ကို သင် ပေးဆောင်ရနိုင်ပါသည်။

၄။ အာမခံပါဝင်ပါသလား။

အခြေခံအာမခံပါဝင်ပါသည်၊ သို့သော် အပိုအာမခံဝန်ဆောင်မှုများကို ဝယ်ယူနိုင်ပါသည်။

အကူအညီလိုပါက Yoma Car Share ၏ customer service ကို ဆက်သွယ်နိုင်ပါသည်။

Hotline: +959 966 235 338
Email: aung@yomafleet.com