AWS Community Day Myanmar – 2024 ကို အောင်မြင်စွာ ကျင်းပပြုလုပ်နိုင်ခဲ့ခြင်းအတွက် ကျေးဇူးအထူးတင်ရှိပါသည်

နိုဝင်ဘာလ ၂၃ ရက်နေ့တွင် AWS Community Day Myanmar 2024 အခမ်းအနားကို ရန်ကုန်နှင့် ဘန်ကောက်မြို့များတွင် cloud နည်းပညာကိုစိတ်ဝင်စားသူများ၊ IT နည်းပညာရှင်များနှင့် developer များအား cloud နည်းပညာများအား သင်ယူခြင်းနှင့် ကွန်ရက်ချိတ်ဆက်ခြင်းတို့ကို့ အတူတကွ လုပ်ဆောင်ကြနိုင်ရန် အတွက်ကျင်းပခဲ့ပါသည်။

ယခုနှစ်၏ အခမ်းအနားသည် မြန်မာနိုင်ငံရှိ AWS အသိုင်းအဝိုင်း၏ ပူးပေါင်းဆောင်ရွက်မှု အားကောင်းကြောင်းကို သက်သေပြနိုင်ခဲ့သည်။ ရန်ကုန်မြို့၌ ပါဝင်သူများသည် Main Event, Immersion Day, နှင့် Lightning Talks အပါအဝင် အစီအစဉ်ပေါင်းများစွာကို တွင် ပါဝင်ခဲ့ကြပါသည်။ ထို့အတူ ဘန်ကောက်မြို့၌လည်း စိတ်လှုပ်ရှားဖွယ် AWS GameDay နှင့် Main Event live stream တို့ကို ကျင်းပခဲ့ကြသည်။ ရန်ကုန်မြို့ နှင့် ဘန်ကောက်မြို့ နှစ်မြို့ ပေါင်း၍ တက်ရောက် ပါဝင်လာသူ အယောက် ၈၀၀ ကျော်ရှိခဲ့သည်။

ကျေးဇူးတင်အပ်လွှာ 🙌

တက်ရောက် ပါဝင်လာသူ အယောက် ၈၀၀ ကျော်၏ အံ့သြဖွယ် တက်ကြွမှုကို ပြန်လည်သုံးသပ်ရင်း အထူးဝမ်းမြောက်မိပါသည်။ သင်တို့၏ စိတ်အားထက်သန်မှုသည် ရန်ကုန်နှင့် ဘန်ကောက်မြို့တို့တွင် ပေါ်လွင် ထင်ဟပ်ခဲ့သည်-

ရန်ကုန်မြို့

• ရန်ကုန်မြို့တွင် Main Event, Immersion Day, နှင့် Lightning Talks တို့ကိုကျင်းပခဲ့ပြီး developer များနှင့် cloud နည်းပညာကို စိတ်ဝင်စားသော ပညာရှင်များအား ပေါင်းစည်းနိုင်ခဲ့သည်။

ဘန်ကောက်မြို့

• AWS Gameday နှင့် Live Streaming တို့ကို ဘန်ကောက်မြို့တွင်ကျင်းပခဲ့ပြီး developer များနှင့် IT ပညာရှင်များကို တက်ကြွစွာ ပါဝင်စေခဲ့သည်။

တက်ရောက်လာသူအားလုံး၏ တက်ကြွစွာ ပါဝင်မှု့၊ စူးစမ်းလိုစိတ်ရှိမှု့၊ နှင့် အလေးထားမှုများသည် AWS နည်းပညာအပေါ်တွင် စိတ်ဝင်စားမှု တိုးတက်လာကြောင်း သက်သေပြနိုင်ခဲ့သည်။ အထူးသဖြင့် junior developer များနှင့် IT ပညာရှင်များ၏ တက်ကြွစွာ ပါဝင်မှုက ဤ အခမ်းအနားကို ထူးခြားစေခဲ့သည်။ သင်၏ တက်ကြွစွာ ပါဝင်မှုသည် အခမ်းအနားကို အောင်မြင်စေခဲ့သည့်အတွက် ကျွန်ုပ်တို့အနေဖြင့် အလွန်ပင် ကျေးဇူးတင်ပါသည်! 💙

AWS Game Day ဆုများ

အသိပညာများ ဝေမျှခြင်း

ရန်ကုန်မြို့ရှိ Main Event အစီအစဥ်

Main Event ကို အလွန်ထိရောက်သော ဟောပြောခြင်း အစီအစဉ်များဖြင့် စတင်ခဲ့ပါသည်။ ဟောပြောသူများသည် အလုပ်အကိုင်ဖွံ့ဖြိုးတိုးတက်မှု၊ Big Data၊ ဒစ်ဂျစ်တယ် ပြောင်းလဲမှုနှင့် cloud security များအကြောင်း ပြောကြားခဲ့ကြပါသည်။

ဟောပြောခဲ့ကြသော အကြောင်းအရာများနှင့် ဟောပြောသူများ

• မစ္စတာ စိုင်းလူမွန်အောင် (KBZMS General Insurance CEO) မှ Unlocking Your Career Potential: Pathways to Growth and Success ဟောပြောခဲ့သည်။
• မစ္စတာ ထင်အောင်လှိုင် (Wave Money CTO) မှ My 17-Year Journey in Big Data: Transforming Data Platforms with AWS ဟောပြောခဲ့သည်။
• မစ္စတာ စိုင်းလင်းနောင် (Capital Diamond Star Group Group CTO) မှ Digital Transformation: Building a Digital Future in Myanmar ဟောပြောခဲ့သည်။
• မစ္စတာ မင်းမြတ်စိုး (NEX4 ICT Solutions Co-Founder) မှ Securing the Cloud: Best Practices for Cloud Infrastructure Security ဟောပြောခဲ့သည်။

ဘန်ကောက်မြို့ ရှိ AWS Gameday အစီအစဥ်

AWS Gameday သည် ပါဝင်သူများအနေဖြင့် cloud နည်းပညာကို ကိုယ်တိုင် လက်တွေ့လုပ်ဆောင်ရသည့် စွမ်းရည်ပြိုင်ပွဲတစ်ခုဖြစ်ပြီး ပါဝင်သူများအနေဖြင့် cloud နည်းပညာများကို လက်တွေ့ကျ စမ်းသပ်ခဲ့ကြသည်။ ဤအခမ်းအနားက cloud ပညာရှင်များအကြား ပူးပေါင်းဆောင်ရွက်မှုနှင့် ပြသနာဖြေရှင်းမှုများကို လှုံ့ဆော်ပေးခဲ့ပြီး၊ သင်ယူမှုအတွေ့အကြုံများကို ပိုမိုချောမွေ့စေခဲ့ပါသည်။

အခမ်းအနားနှစ်ခုလုံး၏ အဆုံးသတ်တွင် အပြန်အလှန်ဆွေးနွေးခြင်းများအား ပြုလုပ်ခဲ့ကြပြီး အခမ်းအနားကို ပံ့ပိုးခဲ့ကြသူများ၊ စီစဥ်သူများနှင့် ကူညီဆောင်ရွက်ပေးခဲ့သူအားလုံးကို အသိအမှတ်ပြုသော အနေဖြင့် အမှတ်တရဆုချီးမြှင့်ခဲ့ပါသည်။

အခမ်းအနားကို ပံ့ပိုးသူများနှင့် စီစဉ်သူများ အား အထူးကျေးဇူးတင်အပ်လွှာ🙌

AWS Community Day 2024 အောင်မြင်မှုသည် ကျွန်ုပ်တို့ကို ပံ့ပိုးသူများနှင့် စီစဉ်သူများ၏ ပံ့ပိုးမှုကြောင့်သာ ဖြစ်ပါသည်။

ပံ့ပိုးသူများ

ဒီအခမ်းအနား၏ အောင်မြင်မှုတွင် ပံ့ပိုးမှု အထူးထားသော အဖွဲ့အစည်းများကို အထူးကျေးဇူးတင်အပ်ပါသည် –

• Awba Group
• AYA Pay
• Globel.net
• NEX4 ICT Solutions
• Wave Money
• Yoma Fleet

Sponsorship Awards

Co-host:

• အခမ်းအနားကို co-host ပြုလုပ်ပေးခြင်းနှင့် ချောမွေ့စွာ ကျင်းပနိုင်ရန် ကူညီပေးခဲ့သည့် AMCHAM Myanmar ကို အထူးကျေးဇူးတင်ပါသည်။ AMCHAM ၏ ပူးပေါင်းဆောင်ရွက်မှုသည် ပညာနှင့် စီးပွားရေးအခန်းကဏ္ဍများ ဖွံ့ဖြိုးတိုးတက်မှုကို အထောက်အကူပြုခဲ့ပါသည်။

AWS မှ မဗစ်တိုးရီးယားဝင်း

ဤအခမ်းအနားကို အမှတ်တရဖြစ်စေရန် ပံ့ပိုးမှုများပေးခဲ့သည့် ပံ့ပိုးသူများအား ကျွန်ုပ်တို့အထူးကျေးဇူးတင်ပါသည်။

Yoma Fleet ၏ ပါဝင်မှု့များ 🚀

Lightning Talks တွင် ပါဝင်မှု့များ

• ကျွန်ုပ်တို့သည် Yoma Fleet မှ ကိုဇင်ဟိန်း (Senior DevOps Engineer) နှင့် ကိုဝေယံစိုး (Junior DevOps Engineer) တို့၏ အခမ်းအနားတွင် ပါဝင်မှု့အတွက်လည်း အထူးဂုဏ်ယူမိပါသည်။ သူတို့သည် “Modern Software Application Development on AWS” ခေါင်းစဉ်ဖြင့် Lightning Talk ကို ဟောပြောခဲ့ကြပြီး၊ AWS ကိုအသုံးပြုကာ မိုဘိုင်း အပလီကေးရှင်းများအား မည်ကဲ့သို့ Development များ လုပ်ဆောင်နိုင်ကြောင်းကို ပွဲသို့တက်ရောက်လာသူများအတွက် အသိပညာများကို မျှဝေခဲ့ပါသည်။

Volunteers များအတွက် ကျေးဇူးတင်အပ်လွှာ

Yoma Fleet ၏ IT အဖွဲ့သည် ဤအခမ်းအနား၏ အောင်မြင်မှုအတွက် အရေးပါသော အခန်းကဏ္ဍမှ ဝင်ရောက်လုပ်ဆောင်ခဲ့ပြီး၊ ရန်ကုန်နှင့် ဘန်ကောက်၌ ကျင်းပသော အခမ်းအနားနှစ်ခုလုံးတွင် အင်တိုက်အားတိုက် ပါဝင်ကူညီခဲ့သည်။

ထို့အပြင် Yoma Fleet ၏ HR နှင့် Marketing အဖွဲ့များလည်း အခမ်းအနား၏ အောင်မြင်မှုအတွက် အရေးကြီးသော အထောက်အကူများ ပေးခဲ့သောကြောင့် ကျေးဇူးတင်အပ်ပါသည်။ ၎င်းတို့၏ ကြိုးစားမှုနှင့် ပံ့ပိုးမှုများကြောင့် အခမ်းအနားကို အောင်မြင်သော အမှတ်တရတစ်ခုအဖြစ် ဖန်တီးနိုင်ခဲ့ပါသည်။

ဆုချီးမြှင့်ခြင်း အခမ်းအနား

• ဤအခမ်းအနား၏ အစီအစဥ်များထဲမှတစ်ခုမှာ ပွဲစီစဉ်သူများမှ တက်ကြွစွာပါဝင်ပံ့ပိုးမှုများ ပေးခဲ့သည့် လူပုဂ္ဂိုလ်များနှင့် အဖွဲ့အစည်းများအား အသိအမှတ်ပြုသော Sponsor Appreciation Awards ကို အမှတ်တရချီးမြှင့်ပေးခြင်း အစီအစဥ်ဖြစ်သည်။
• Yoma Fleet အဖွဲ့ကိုယ်စား Principal Software Engineer ဖြစ်သူ ကိုဖြိုးဝေလင်း သည် ထိုချီးမြှင့်ဆုကို လက်ခံရရှိခဲ့သည်။ ဤသို့ဖြင့် Yoma Fleet ၏ ကြိုးပမ်းမှုများသည် အခမ်းအနား၏ အောင်မြင်မှုအတွက် အရေးပါသော အခန်းကဏ္ဍတစ်ခုအဖြစ် သက်သေပြနိုင်ပါသည်။

ကိုဖြိုးဝေလင်းမှ ဆုလက်ခံယူနေစဥ်

အနာဂတ်ကို မျှော်ကြည့်ခြင်း 🌟

ယခုနှစ် AWS Community Day 2024 တွင် တက်ရောက်လာသူများ၏ ပါဝင်မှုနှင့် တက်ကြွအားပေးမှုများသည် မြန်မာနိုင်ငံရှိ နည်းပညာ အသိုင်းအဝိုင်း၏ အင်အားကို ပြသခဲ့ပါသည်။ မြန်မာနိုင်ငံ၏ နည်းပညာ အသိုင်းအဝိုင်းသည် တီထွင်မှုနှင့် ဖွံ့ဖြိုးတိုးတက်မှုများကို တက်ကြွစွာ ဆက်လက်လုပ်ဆောင်နေသည်ကို မြင်ရခြင်းမှာ ကျွန်ုပ်တို့အတွက် အထူးဝမ်းမြောက်စရာ ဖြစ်ခဲ့ရပါသည်။

ကျွန်ုပ်တိုအနေဖြင့် အထူးကျေးဇူးတင်စကားကို တက်ရောက်လာကြသူများ၊ ပံ့ပိုးပေးခဲ့သူများ၊ စီစဉ်သူများ၊ ဟောပြောသူများနှင့် Volunteers များအား ပြောကြားလိုပါသည်။ သင်တို့၏ပါဝင်ကူညီမှု့များကြောင့် AWS Community Day 2024 ကို အောင်မြင်စွာ ကျင်းပနိုင်ခဲ့ခြင်း ဖြစ်ပါသည်။

အနာဂတ်တွင် နည်းပညာများသည် လူတိုင်းအတွက် အခွင့်အလမ်းအသစ်များ ဖန်တီးပေးနိုင်သည့်အရာ ဖြစ်လာစေရန် ကျွန်ုပ်တို့အားလုံး ပူးပေါင်းဆောင်ရွက်ပြီးအကောင်အထည်ဖော်နိုင်ပါသည်။ ဤပွဲတွင် ရရှိခဲ့သော အောင်မြင်မှုများကို နောက်ထပ်ထပ်မံကျင်းပမည့် အခမ်းအနားများတွင် ဆက်လက်ထပ်မံရရှိနိုင်ရန် မျှော်လင့်ရင်း၊ မြန်မာနိုင်ငံအတွက် ပိုမိုအားကောင်းသော၊ ပံ့ပိုးမှုများပြည့်ဝသော နည်းပညာ အသိုင်းအဝိုင်းကို ဆက်လက်ဖွံ့ဖြိုးစေကြပါစို့။

---